Covid-19 vei mek mi 43 an awm

October 27, Ningani khan Mizoramah swab sample 153 endik aṭangin Covid-19 vei mi paruk hmuh chhuah a ni. Nimin khan hripui vei dam tawh mi pali chhuahtir an ni a, nimin tlai khan hripui vei mi 43 an awm.

IDSP aṭanga thu dawn danin, Ningania Covid-19 positive hmuh chhuahte chu Lunglei district-ah mi pali leh Aizawl leh Serchhip district-ah mi pakhat ve ve an ni a, positivity rate 3.92% chiah a ni.

Mizoramah swab sample 19,87,786 endik tawh niin, Covid-19 vei 2,38,784 hmuh chhuah a ni tawh a, a pumpuia positivity rate 12.01% a ni. Nimin tlai dar 3 thlengin mi 2,38,017 (99.68%) chhuahtir an ni tawh a, mi 724 (0.30%) thi tawhin, enkawl mek mi 43 (0.02%) an awm.

Mizorama district 11 zinga district paruk - Siaha, Champhai, Kolasib, Lawngtlai, Mamit leh Hnahthial district-ahte Covid-19 vei an awm tawh rih lo.