Sorkar hnathawkte'n 7th. Pay an sawiho

Mizoram sorkar hna­­thawk pawl hrang hrang intêl khawmna, Fede­ration of Mizoram Government Em­ployees & Workers (FMGEW) chuan nimin khan Archive Hall, Aizawlah an rorelna sang ber dawttu, General Council Meeting an nei a; 7th. Pay anga hlawh lak ve tawh an duh thu an sawi a, 7th. Pay an lak theih nana hmalak dan tur an sawiho.

Mizoram sorkar hna­thawkte’n 7th. Pay an hman ve theihna tura sor­kar hmalak tawh dan chu vuaicha an tih thu te, sorkar laipuia thawkte leh state ṭhenkhatin an hman tawh hnua thil man sanna Mizorama hman a la ni lo chu lungawithlak loh an tih thute an sawi.

7th. Pay chungchang chu Council of Minister agenda-ah vawi hnih a awm tawh chunga hmang tura tihfel a la ni lo leh a zir chiangtu tur committee din thar leh a ni chu lung­awithlak loh an tih thu an sawi bawk a; Mizoram sorkar hnathawkte'n 7th. Pay an hman thuai theih nan lungrual taka ke pên tlang zel turin an inngen a ni.

FMGEW meeting hi an president Ram­hmangaiha Ralte-in a kaihruai a, secre­tary general R Lalrammawia'n report a pe a ni.