Eirawngbawlna gas bûr zawrh phal a ni lo

Mizoram sorkar chuan thuchhuah siam­in, mi ṭhenkhatin gas bûr ruak zawrhna chan­chinbuah an chhuah ṭhin tih an tarlang a, chu­tiang chu LPG (Regu­lation of Supply and Dis­tribution) Order, 2000-in a khap a nih thu puang­in, "Hetiang zawnga hma la lo turin mi tin hriat­­tir leh ngen kan ni a, chanchinbuah pawh chhuah­sak loh tur a ni," an ti.

Sorkar thuchhuah tarlan danin, LPG (Re­gulation of Supply and Distribution) Order, 2000 clause 7-in a ziah angin, gas bûr khat sa, bûr ruak, cylinder valve leh pressure regulator-te chu sumdawnna atan phalna nei lo mimalin zawrh leh pek chhuah khap a ni a, chutiang tite chu dan anga hrem theih an ni.