Mamitah mockdrill neih a ni

Mamit District Disaster Management Authority (MDDMA) chuan, nimin khan Mamit khawpuia hmun pangaah lirnghing leh kângmei thlen thulha chêt lâk dan tur a taka entirna, mega mockdrill an buatsaih.

Mockdrill hi Mamita DRDA pisa, State Bank of India pisa, St. Francis of Assisi Primary School, PHE pisa leh Mamit Ba­zarahte neih a ni a; DRDA pisa, St.Francis of Assisi P/S-ah leh PHE pisaahte lirnghing laka chhanchhuah hna thawh dan tur entir niin, SBI, leh Mamit Bazarahte kângmei chhuak chhan­chhuah hna thawh dan tur entir a ni.

Mockdrill-ah hian State Disaster Response Force (SDRF) leh 4th. IR Battalion te chuan chhanchhuahna hna an thawk a; Fire & Emer­gency Service-te'n kâng­mei ṭhelhin, Mamit Dis­trict Hospital-in a hmunah hliam enkawlna hna an thawk thung. Khawtlang leh sorkar department hrang hrangte chet dan tur entir a ni bawk.

Mega mockdrill zawh­ah Mamit DC pisa conference hall-ah district bawrhsap Lalbiaksangi hoin an thil tihte sawiho nghal a ni.