Mizoram - IMR ṭha ber 2-na
Mizoram chu India ram pumah nausén (nau piang hlim aṭanga kum khat hnuai lam) thi tehna, infant mortality rate (IMR) tlemna state-ah pahnihna a ni.
Sample Registration System (SRS) Bulletin, May 2020-a chhuakin a tarlan danin, Mizorama IMR chu kum 2018-19 chhungin 15 (nausen 1,000 zelah 15 an thi tihna) a ni a; kum 2019-20 chhungah erawh chuan IMR chu 5 (nausen 1,000 zelah panga an thi) a ni tawh thung. India rama pakhatna Nagaland IMR chu 4 a ni.
Sorkar thuchhuah tarlan danin, India ramah Mizoram chu IMR tihhniamna kawnga hmasawn ber leh rate tlahniam ber niin, point 10-in a tlahniam a, kum thum chhungin Mizoram chu point 27-in a tlahniam.
Health & Family Welfare department chuan IMR a hniam theihna tura hmalaknaah mipui ṭawiawmna an dawn ṭhat avangin lawmthu an sawi a; ṭang rual zel turin mipui a ngen nghal. Khawvela hriselna leh hmasawnna kawnga tehfung pawimawh berte zinga mi chu nausen kum khat hnuai lam thi tlem lamah a nih thu an tarlang bawk.