Inthlanah candidate-te ipte mitthla lo záwnga inbuatsaih turin mipui chah

ZPM working president K Sapdanga chuan, ZPM party chu kalphung thar, mipui sorkar siam tum an ni tih sawiin, candidate-te ipte mitthla lo záwnga inbuatsaih turin mipui a chah.

K Sapdanga hian October 29, Inrinnia Haulawng, Chhipphir leh Zote South a tlawhnaah thu sawiin, "Kalphung thar, mipui sorkar siam tum kan ni. Dan hnuaiah a ṭul chin a awm na meuh mai, mahse engtik lai pawha candidate-te ipte mitthla lo zawnga inbuatsaih turin kan infuih a ni.

Sual leh fel, bawlhhlawh leh thianghlim hi fawm kawp chi a ni lo," a ti. Thil siamṭha turin kumpui linglet a ngai a, tichhe turin zan khat a tâwk tih sawiin Sapdanga chuan, "Keimahni'n kan zir phawt chuan min puitute min  puihtirtu a awm a ni mai. Sorkar kan tuakna kawngah Pathian duh dan a ni em tih ngaihtuah a ngai," a ti a; Pathian thu ang loin ram a siam theih loh thu a sawi.

K Sapdanga chuan, thingtlang lamah ZPM thli a tleh na tawh zawk nia sawiin, "Kan feh chhuahna chinah chuan a thlaphanawm loh," a ti a; "Kum dangah chuan party-te'n mipui an au ṭhin a, nakkum inthlan atan erawh chuan mipuite'n min hmanhmawhpui tawh a ni," a ti bawk.