Johnson College-in grade B hmuh an lawm

Johnson College chuan National Assessment and Accreditation Council (NAAC) aṭanga accreditation grade B an hmuh chu October 28, 2022 khan an lawm a, Aizawl West-III bialtu MLA VL Zaithanzama'n a hmanpui.

Kum 1993-a din Johnson College hi kum 2002 khan deficit niin, kum 2007 khan provincialised a ni a, tunah hian department paruk awmin, zirtirtu 32 leh thawktu dang 13 an awm mek. Kumin 2022-ah hian NAAC grade B an hmu thar a ni.

VL Zaithanzama chuan, zirna a ngai pawimawh tih sawiin, "Aizawl West-III bial mipuite'n MLA atana min thlan tlin khan ka hna hmasa atan zirnaa a bul ber, anganwadi-te tlawhin bul kan ṭan a, bial chhung sikul hrang hrang ka tlawh reng a, ka tlawh kim thawkhat tawh.

An mamawhte MLA fund hmangin kan pui ve ṭhin a, thawktute inpekna a ropui ka ti hle a ni,” a ti a; Johnson College-in NAAC grade B a hmu chu a lawmpui thu a sawi.

Johnson College principal Prof. K Vanlalmawia'n thu a sawi bawk.