Property tax-ah nuai 330 vel beisei
Kum 2017-18 atana property tax chu tunlai hian Aizawl Municipal Corporation huam chhungah khawn mek a ni a, cheng nuai 330 vel hmuh beisei a ni.
AMC hotute sawi danin, property tax a khawn mek hi The Mizoram Municipali-ties (Property Tax) Management Rules, 2014 hmanga khawn a ni. Property tax hi kum 2015-16 aṭang khan khawn a ni a, a kum khatnaah hian cheng nuai 114 vel hmuh a ni a, kum 2016-17 khan cheng nuai 220 vel hmuh niin, kuminah chuan cheng nuai 330 vel hmuh theih beisei a ni.
Local Council-te chu an huam chhung ṭheuhah property tax hi khawntir an ni a, an pawisa khawn chhuah 5% an chang a, a bak zawng chu AMC-ah an chhung lut a ni.