India hmarchhak state-te zingah Mizoramah hmeichhia an him ber

India ram puma hmeichhiate dinhmun zir chiangtu, Gender Vulnerability Index (GVI) chuan, Mizoram chu India hmarchhak biala hmeichhiate himna ber hmunah a puang a, ram pumah pathumna a ni bawk.

GVI zir chiannaa a lan danin, Goa chu India ram puma hmei­chhiate himna ber state a ni a, Kerala-in dawtin, Mizoram chu pathumna a ni. Hmarchhak state zinga mi, Sikkim leh Manipur chu palina leh pangana a ni a; India ram khawpui, Delhi chu 28-na a ni. Bihar chu hmeichhiate him lohna ber state-a ngaih a ni thung.

India hmarchhak bial bikah Mizoram chu hmeichhiate himna ber state a ni a, Manipur leh Sikkim-in an dawt a ni.

GVI hian India rama state hrang hranga hmeichhiate dinhmun leh an laka hleilenna thlen dan an zir chiang ṭhin a, an zir chianna chu November 1, 2017 khan Women and Child Development Ministry-in an tlangzarh a ni.