DC-in ram neitute a kâwm

Kolasib bawrhsap John LT Sanga chuan nimin khan DC conference hall-ah Vairengte leh Sairang inkar kawng zauh tura ram laksakte intélkhawm, Land Owners'Association (Vairengte-Kawnpui Package 3-6 NH 06 & 306) hruaitute a kâwm.

Land Owners'Association hruaitute chuan, ram hlutna tel loa an huan thlai hlutna pek chhhuah a nih theihna atana hmalakpui turin Kolasib DC an ngen a; bawrhsap chuan, GAD leh EFCC Secretaryah ngenna a thlen tur thuin a chháng.

Ram neitute chuan, Kolasib DC ngenna vanga an lo ṭhulh tawh VairengteAizawl inkar kawngpui dan chungchangah, hun tiam an pek hun chhung tur chu an ṭhutkhawm leh hunah a chian tur thu an sawi.

Ram neitute hian October 24, 2022 khan Vairengteah kawngpui dan an tum a, Kolasib DC ngenna avanga ṭhulhin, October 31, 2022 thleng sorkar hmalakna ngaihchàn an rél a ni.