National Unity Day pualin Unity Run

Nimin OCtober 31 kha National Unity Day (Rahtriya Ekta Diwas) a ni a, Mizorama district khawpui hrang hrangah Day pualin Sports & Youth Services department-in Unity Run an buatsaih. Sardar Vallabhbhai Patel hriatreng nan a piancham kum 2014 aṭang khan October 31-ah National Unity Day hman ṭhin a ni.

Aizawlah chuan Art & Culture department buatsaihin nimin zing khan Aizawla hmun hrang hrangah hun hman a ni a; SYS minister Robert Romawia Royte chuan Sikulpuikawnah a hmanpui.

Sports secretary Dr Lalrozama kaihruai inkhawmah Robert Romawia chuan, ram leh hnam hmasawn nan inpumkhatna, inuanau ṭh a , remna leh muanna pawimawh thu sawiin, chutiang nei tur chuan mi tinin mawhphurhna an neih thu a sawi.

Sikulpuikawna Unity Run-ah hian Synod Higher Secondary School NSS volunteer-te leh SAI Hostel, Mission Vengthlanga awm mekte an tel a; Sikulpuikawn aṭanga Mission Vengthlang thleng an kal a ni.

National Unity Day leh Unity Run hi Vanapa Hall kawtah pawh buatsaih a ni a, Art & Culture director R Hmingthanzuala'n thu a sawi. Vanapa Hall kawt aṭangin Millennium Centre thleng an kal a ni.

Unity Run-a telte hian ram inpumkhatna, inunauna leh himna vawnghim turin thu an tiam a; an hnampuite hnena thutiam thehdarh turin an intiam bawk.