PC party-in MNF sorkar an dem

Peoples Conference party chuan thuchhuah siamin, chief minister Zoramthanga hoa Indian Oil Corporation-te'n Mizorama petrol leh diesel dahk hawlna tur oil depot din chungchang tun hnaia an la khel chauh chu zahthlak hlea an ngaih thu leh an tarlang a, "Tuialhthei dah khawlna siam puitling thei lo MNF sorkar kan dem," an ti.

PC party chuan, kum 35 liam taa Brig. T Sailo kaihhruai PC sorkarin Vairengtea oil depot an bun tawh leh hun engemaw chen ṭangkai taka hman tawh Congress leh MNF sorkarte'n an hluihlawn chu pawi an tih thu sawiin, "Vawiin thlenga oil depot Mizoramin a la nei lo hi thanatthlak kan ti tak zet," an ti a;MNF-in kum nga term an hman zawh dawn tawh laia oil depot neih dan tur an buaipui ṭan chauh chu ram leh mipui hmakhua ngaih lohnaa an ngaih thu an tarlang a ni.