KHAWTHLIR

Dy CM-in hawng
Deputy chief minister Tawnluia chuan nimin khan Aizawl khawpui tui lakna hmunpui, Greater Aizawl Water Supply Schemes (GAWSS) Phase I & II, Dihmunzawlin a hranpaa kawlphetha a lakna atana duan, Dedicated Power Supply Transmission Line & 132/33 kV Substation leh Supervisory Control and Data Acquisition for Water Management of Aizawl GWSS Phase I & II, Dihmunzawla mite a hawng.

NIT Institute Day
National Institute of Technology, Mizoram chuan an din champha vawi 12-na, Institute Day chu nimin khan NIT, Mizoram virtual classroom-ah an lawm. Lawmnaah hian NIT, Mizoram Director leh Registrar ten thu an sawi bakah, PWD hnuaia PIU project director Zosangliana Zote-in
thupui a sawi a ni.

IBM Skillsbuild
Aizawl District Skill Committee hmalakna hnuaiah Aizawl DC Dr Lalhriatzuali Ralte chuan nimin khan Aizawl North College-ah zirlaite thiamthil hmasawn theih nana buatsaih IBM Skillsbuild Programme a hawng. Programme hi IBM-in CSR project lama an hmalakna pakhat a ni a, Delhi leh Kolkata aṭangin resource person pahnih rawn kalin, Aizawla college 10-ah skill training an kalpui dawn a ni.

Tui ren turin ngen
PHE department chuan, Aizawl khawpui châwmtu Greater Aizawl Water Supply Scheme Phase II-ah tui pumpna khawl thar bun a nih avangin nimin aṭanga November 3, 2022 thleng tui pump a khaihlak dawn thu a tarlang a; tui ren turin mipui a ngen a ni.

Kawng khâr dawn
PWD chuan nimin aṭang khan Samtlang leh Lungleng inkar kawng an siamṭha ṭan a, November 12, 2022 thleng an siam dawn. Hei vang hian Traffic SP Rodingliana Chawngthuchuan kawng siamchhungin zing dar 9:30 aṭanga chhun dar 12 leh, chawhnu dar 1:30 aṭanga tlai dar 4 inkarah
kawng khâr.