Hachhekah pisa kai tur dan a ni

Hachhek Bial Kuhva Chingtu Pawl (HBKCP), Hachhek bial chhunga village council-te leh páwl hrang hrangte'n an kuhva tharte hralh a nih theih nana hma la tura sorkar kârna atan nimin khan an bial chhunga sorkar hnathawk pisa kái turte an dang.

Vanglaini thu dawn danin, Hachhek biala khaw hrang hranga sorkar pisa bulah duty an indah a; sorkar hnathawk zingah duty-te'n an dan luih ngai an awm lo a, boruak rálmuang tak hnuaiah hun hman a ni.

HBKCP, VC leh pawl dangte'n ruahmanna an siam dan chuan, kumin November 1-4 chhung sorkar hnathawk pisa kai tur an dang dawn a, awmzia a neih loh chuan November 5-8 chhung Hachhek biala kawngpui zawng zawng an dang dawn.

Kawngpui danin awmzia a la neih loh zel chuan November 9, 2022 aṭangin total bandh an kalpui dawn a ni.