Leilet siam dan tur thlír

Siaha bialtu MLA Dr K Beichhua, minister of state chuan May 9, Inrinni khan Phúra khawtlang hruaitute nen Phúra khaw rama phai zawlte a hmunah kalin an thlir a, hmalak dan tur an sawiho. Phura phaizáwl chu hectare 670 vela zau a ni a, leilet atana hman tawh chin chu hactere 340 vela zau a ni.

Dr K Beichhua chuan, Covid-19 vanga ṭàm a tlak loh nan Phura leiletah Siaha District Covid-19 Food Security Consultative meeting-in a bá-in hna a thawk dawn tih a sawi a, "Phúra leilet sawngbawl nan Earth Movers Association-te nen kan inbe rem tawh a, a báin SDC-FSCC chuan Earth Movers Asociation member-te JCB a hmansak dawn a ni," a ti. JCB hman man atan Siaha district MLA-te pahnih, CEM leh mi inphalte hnenah vehbûr khawn a ni ang.