Sorkar ṭha siam turin Congress kan inbuatsaih - MPYCC President

Mizoram Pradesh Congress Committee (MPCC) Campaign Committee programme angin MPYCC president Dr Lalmalsawma Nghaka chuan October 31, Thawhṭanni zan khan Chhinga Venga Congress party unit pathum a tlawh a; kum 2023 inthlanah sorkar ṭha siam turin Congress party an inbuatsaih mek thu a sawi.

Dr Lalmalsawma Nghaka chuan, tuna Mizoramin a mamawh ber chu thusawi thiam ni loin, hnathawk thiam a nih thu sawiin, "Enchhin ve ngai tawh lo hruaitu ṭha hmang hian kan ram sum dinhmun harsatna khurpui ata chhan chhuah hna thawh a ṭul tawh tak zet. Mi ram chief minister awt ngawih ngawiha kan awm tawh lohna turin sum enkawl thiam leh eirûkna laka mi fihlim Pu Lalsawta hi Mizoram mipuite'n kan CM tir ngei a ngai a ni," a ti.