Mizorama gas harsatna thlen

BJP Mizoram Pra­desh chuan thuchhuah siamin, Mizoramah eirawng­bawlna gas harsatnaah Mizoram sorkarin hma a lak chak loh avangin nimin khan Union minister for Petroleum Dharmendra Pradhan hnenah Mizoram gas mamawh dan ziakin an thlen tih an tarlang.

Mizoram BJP chuan, Mizoramin thla tin gas bûr 2,50,000 aia tlem lo a mamawh laiin, bûr 1,30,000 chauh a hmu thei tih sawiin, "Mizoram sorkarin mipui harsatna tawh hi an hriat loh ṭhin avang hian mipuite'n eirawngbawlna gas-ah nasa takin harsatna an tâwk mek a ni," an ti a; Krismas a hnaih tawh avangin, gas mamawhna a nasat zual dawn thu an sawi.

BJP tarlan danin, Mizo­ram BJP thu thlen chu Union minister Dhar­mendra Pradhan chuan a chhâng nghal a; Mizoram gas harsatna chu a rang thei ang bera chinfel a nih tur thu a hriattir a ni.