Tuilian tuarte ṭanpuina hlan
Kumina Tlabung leh a chhehvel khaw 10-a Khawthlangtuipui lian tuar nasa zual chhungkaw 95 hnenah Caritas India leh Zoram Entu Pawl (ZEP) ṭangkawp chuan nimin khan in sakna tur hmanrua an sem.
Roman Catholic behchhana din - Caritas India leh ZEP-te hian a thawh khatna atan tuilian tuar chhungkaw 900 chuang hnenah inchhung khur mamawh an lo sem tawh a; a thawh hnihna atan tuilian tuarte pual vekin a thlâwna inentirna an lo buatsaih tawh bawk. Nimina a thawh thumnaah hian tuilian vanga chenna in leh lo chánte in sakna tur bungrua chi hrang hrang an sem leh a ni.