President a rawn zin dawn

President Droupadi Murmu chu Mizorama ni hnih chám turin vawiin hian a rawn thleng dawn. President hian vawiin chawhnuah Mizoram University Convocation a hmanpui dawn a, nak­tukah Mizoram Legis­lative Assembly special session-ah thu a sawi ang.

Mizorama President a chàm chhungin Lengpui, Sairang, Mualpui, Mizo­ram University, Pachhunga University College leh Raj Bhavan chungahte drone lam chi rêng rêng thlawhtir phal a nih loh thu Aizawl bawrhsap Dr Lalhriatzuali Ralte chuan a tarlang. Traffic SP Rodingliana Chawngthu-in lirthei tlan dan chungchangah thuchhuah a siam bawk.

TRAFFIC SP THUCHHUAK
1) MZU leh Raj Bhavan inkar - Tanhril, Sakawrtuichhun, Tuivamit, Chawlhhmun, Luangmual, Vaivakawn, Dawrpui Vengthar, Dinthar, Tuikual North leh Tuikual South kawngpui dungah November 3, Ningani zing dar 6 aṭanga tlai dar 6 inkarah lirthei leh bungrua dah phal a ni lo.
2) November 4, Zirtawpniah Mizoram Legislative Assembly House a tlawh dawn avang leh a haw dawn avangin Raj Bhavan aṭanga Ṭhuampui Helipad inkar - Venghlui, Dawrpui, Zarkawt, Chanmari, Chaltlang, Bawngkawn leh Ṭhuampui huam chhungah Ningani zan dar 9 aṭanga Zirtawpni chhun dar 12:30 thleng kawngpui dungah lirthei leh bungrua dah phal a ni lo.