Rokunga kutziak hla bute Synod Archives-ah dah a ni

Mizo zinga hla phuah thiam bera mi tam takin an ngaih, Poet of the Century Rokunga'n a hla phuah zawng zawng kutziaka a ziah chhuahna hla bu pahnih chu nimin khan Mizoram Synod Archives-ah dah luh a ni.

Rokunga kutziak hla bu pahnih hi kum 1942 leh 1950 vela mi a ni a, Rokunga Memorial Society leh Rokunga chhungte hmalaknain Mizoram Synod Archives-a vawn ṭhat turin Rokunga fate zinga la dam mi pathum leh Rokunga Memorial Society hruaitute'n Synod executive secretary Rev. VL Luaia Hranleh hnenah an hlàn a ni.