Krismas leh kumthar pualin Tláwm zawka zuar turin ngen

Mizoram Consumers' Union (MCU) chuan thuchhuah siamin, Krismas leh kumthar vuakvêt thleng tur pualin mipui tana thil man tláwm zawka zuar tur leh discount ṭha tak siam turin sumdawngte leh dawrkaite an ngen.

MCU chuan, India ramah hunpui (festival) a thlen dawnin dawrkai leh sumdawngte'n an theih ang tâwkin mipui náwlpui tan discount lian tham an siam ṭhin tih a tarlang a, "E-Commerce (online shoping, etc)-ahte pawh an uar hle mai a, thil lawmawm tak a ni. Krismas leh kumthar hunpui lo thleng tur pual hian Mizorama dawrkai leh sumdawng zawng zawngte pawh man man taka an thil zawrhte hralh a, mipui náwlpuite tan discount ṭha tak siam ve ngei turin kan ngen tak meuh a ni," an ti.