Gas man bithliah thar a ni

Indian Oil Corpo-ration-in eirawngbawlna gas (LPG) man a bithliah thar avangin Food, Civil Supplies and Consumer Affairs department chuan Mizorama hman tur gas man a bithliah thar a, November 1, 2022-ah hman ṭan a ni.

Gas man tharah chuan, domestic gas bûr kg. 14.2 chu Vairengteah Rs 1,196 man a ni a, Mizoram hmun dang zawngah Rs 1,205 a ni. Commercial cylinder chu Vairengteah búr khat Rs 2,147.50 a ni a, hmun dang zawngah Rs 2,165 a ni.

Gas chu delivery point-ah sem a nih chuan rate bithliah bakah Rs 7.53 belh tur a ni a, home delivery anga lâk a nih chuan bûr khatah Rs 70 chawi belh a ngai. Showroom aṭanga lâk a nih chuan a man pangngai aṭangin Rs 29.26 paih tur a ni thung.