Covid-19 vei enkawl lai 27 an awm

November 1, Thawh-lehni khan Mizoramah Covid-19 vei mi pasarih hmuh chhuah a ni. Nimin khan hripui vei dam tawh mi 13 chhuahtir an ni a, nimin tlai khan hripui vei enkawl mek mi 27 an awm.

IDSP aṭanga thu dawn danin, Thawhlehnia Covid-19 positive hmuh chhuahte chu Aizawl district-ah mi panga leh, Lunglei leh Serchhip district-ah mi pakhat ve ve an ni a; swab sample 277 endik aṭanga positivity rate chu 2.53% a ni.

Mizoramah swab sample 19,88,455 endik tawh niin, Covid-19 vei 2,38,817 hmuh chhuah a ni tawh a, a pumpuia positivity rate 12.01% a ni. Nimin tlai dar 3 thlengin mi 2,38,064 (99.68%) chhuahtir an ni tawh a, mi 726 (0.30%) thi tawhin, enkawl mek mi 27 (0.02%) an awm.

Nimin tlai dinhmun angin, Mizorama district 11 zinga district panga - Siaha, Kolasib, Lawngtlai, Mamit leh Hnahthial district-ahte Covid-19 vei an awm tawh rih lo a ni.