MJA-in an member award dawn lawmpui

MJA General Headquarters chuan nimin khan Defence Study Tour zin report leh MJA member-in award a dawn lawmpuina inkhawm Aizawl Press Club-ah an buatsaih.

Inkhawmah hian MJA president C Lalrambuatsaiha'n Henry L Khozol, editorial consultant/correspondent, Press Trust of India hnenah India ram pum huap award a dawn avanga chawimawina leh lawmpuina a hlan a; MJA aṭanga lawmpuina hlan hian thuchei leh Rs 10,000 a keng.

Henry L Khozol hian Federation of Indian Chambers of Commerce and Industry aṭangin September 22, 2022 khan 'Excellence in journalistic reporting on smuggling and counterfieting issue' ah lawmman pakhatna a dawng a ni.

Inkhawmah hian kumin September thlaa Defence Study Tour-a kalte'n an zin chanchin an sawi a; September 13-21, 2022 chhung Aizawl leh district danga MJA member 11-te'n Assam leh Arunachal Pradesh-a Indian Air Force leh Army hmunte an tlawh a ni.