Sorkar hnathawk dang chhunzawm

Hachhek Bial Kuhva Chingtu Pawl (HBKCP), Hachhek bial chhunga village council-te leh páwl hrang hrangte'n an bial chhunga sorkar hnathawk pisa kái turte an dan chu an la chhunzawm zel. November 1, 2022 aṭangin Sorkar hnathawk pisa kai tur an dang ṭan a ni.

Sorkar pisa kai tur dan hi Hachhek biala kuhva tharte hralh a nih theih nana hma la tura sorkar karna atana tih a ni a; HBKCP hruaitute chuan, an thil phût chungchangah sorkar aṭangin thu dawn an la nei lo tih Vanglaini palai an hrilh.

Hetih lai hian, HBKCP hruaitu ṭhenkhatte chu nimin khan Aizawlah an rawn kal a, Mizorama chám mek President Droupadi Murmu hnenah memorandum thehluh an tum a ni.

HBKCP, VC-te leh pawl dangte'n ruahmanna an siam dan chuan, sorkar pisa kai tur dan hi vawiin November 4-ah pawh an chhunzawm leh dawn a; pisa kai tur danin awmzia a neih loh chuan November 5-8 chhung Hachhek biala kawngpui zawng zawng an dang dawn. Kawngpui danin awmzia a la neih loh zel chuan November 9, 2022 aṭangin total bandh kalpui an tum a ni.