Champhaiah GST pek dan zirho

Champhai Zone Deputy Commissioner of State Tax bultumin, November 2, Nilaini khan Champhai leh Khawzawl district-a sumdawngte tan Champhai IPR auditorium-ah Goods and Services Tax (GST) chungchang zirhona buatsaih a ni.

Zirhonaah hian sumdawngte chu GST pek dik loh vanga hremna leh GST pek dan dikte zirtir an ni a; hun kal tawha chhiah an pek dik tawh loh hai chhuahna tur scrutiny leh audit kalpui chhoh mek a nih thu tarlan a ni. Sumdawngte chu an kutkawiha GST pek dan an thiam lo a nih pawhin, pe tura mi dang an rawihnaah fimkhur taka kal turin an chah.

Tarlan danin, Taxation department Champhai Zone chuan kum 2021-22 chhung khan Mizoram sorkar sum báwma lut tur chhiah cheng nuai 917.95 an hmu a; kum 2022-23 kum kal mekah April-September chhungin nuai 468.24 an hmu tawh bawk.