MYC leh NEC in Online job portal tihchangtlun sawi dun

Mizoram Youth Commission (MYC) chairman Dr Vanlalṭanpuia, MLA leh North Eastern Council (NEC)-a Science and Technology director Tanung Jamoh te chuan November 2, Nilaini khan MYC conference hall-ah online job portal tihchangtlun a, hmarchhak state zawng zawng huam tur siam tura hmalak dan tur an sawi dun.

Dr Vanlalṭanpuia chuan, MYC-in MYC Job Portal (hnainpui.com) a neih chu Mizoramah hman mek a nih thu a sawi a; Tanung Jamoh chuan, MYC-in software ṭha leh hman awlsam a duang chhuak chu ṭha a tih thu sawiin, "Hmarchhak state pumpuia hman a nih theih nan a ṭul ang ang sum sen turah pawh NEC a inkau reng," a ti.