Covid-19 vei enkawl lai 28 an awm

November 2, Nilaini khan Mizoramah Covid-19 vei mi pasarih hmuh chhuah a ni. Nimin khan hripui vei dam tawh mi paruk chhuahtir an ni a, nimin tlai khan hripui vei enkawl mek mi 28 an awm.

IDSP aṭanga thu dawn danin, Nilainia Covid-19 positive hmuh chhuahte chu Aizawl district-ah mi paruk leh Lunglei district-ah mi pakhat an ni a; district pathumah chauh swab sample endik niin, sample 345 endik aṭanga positivity rate chu 2.03% a ni.

Mizoramah swab sample 19,88,800 endik tawh niin, Covid-19 vei 2,38,824 hmuh chhuah a ni tawh a, a pumpuia positivity rate 12.01% a ni. Nimin tlai dar 3 thlengin mi 2,38,070 (99.68%) chhuahtir an ni tawh a, mi 726 (0.30%) thi tawhin, enkawl mek mi 28 (0.02%) an awm.

Nimin tlai dinhmun angin, Mizorama district 11 zinga district paruk - Siaha, Champhai, Kolasib, Lawngtlai, Mamit leh Hnahthial district-ahte Covid-19 vei an awm tawh rih lo a ni.