Lungleiah ZPM Ṭhalai din rêl

Ṭangrual pawl, Zoram Peoples' Movement (ZPM) Lunglei Steering Commi­ttee nimina ṭhukhawm chuan, Finance Committee an din a; ZPM Ṭhalai leh Legal Cell din an rêl bawk.

Lunglei ZPM meeting hi Steering Committee chairman C Zokhuma'n a kaihhruai a; Finance Committee member turte an ruat nghal laiin, Legal Cell chu Steering Committee Chairman kutah an dah a ni.

Lunglei ZPM hian Finance Committee chair­man atan C Lalhming­liana an ruat a; mem­ber atana an ruatte chu - Lalduhthlanga, Lalnun­tluanga Sailo, R Vanlalvena leh S Hming­thanga te an ni.

C Zokhuma chuan, ram siamṭhat duhtu zawng zawng chu pên chhuak a, ZPM hmalakna ṭawiawm turin a sáwm a; a duh apiang tan mahni veng/khua­ah ZPM Steering Committee din theih a nih thu a sawi.