Parliamentary Standing Committee lo zin

Parliamentary Stan­ding Committee on Rural Development member-te chu, Mizorama Rural Development department hmalakna hrang hrang endik turin nimin khan Aizawl an rawn thleng.

Committee-ah hian chairman chu Dr Pon­nusamy Venugopal a ni a, member pakua - Lok Sabha MP panga leh Rajya Sabha MP pali an awm a; sorkar laipuia additional secretary, director leh reporting officer-te'n an ṭawiawm.

Lengpui Airport-ah RD department, GAD, Social Welfare department, Aizawl DC leh SBI hotute'n an lo hmuak a ni.

Committee hian nimin khan Lengpuia Multi­purpose Check Dam leh Individual Household Latrine (IHHL) cluster leh MGNREGS hnuaia hnathawh an enfiah nghal a; nimin vek khan RD department hotu te, Aizawl DC leh V/C-te nen hnathawh dan leh harsatna hrang hrang leh hmasawnna turte an sawiho bawk.

Parliamentary Stan­ding Committee on Rural Development hian vawiinah field visit an nei dawn a, hmun hrang hranga RD department hnuaia hmalaknate an enfiah dawn a ni.