Hâlpuah leh silai lem khap

Aizawl DC leh Lunglei DC chuan thupek chhuahin, kumin Krismas leh kum thar vuakvetah an district chhung­ah hâlpuah, hâlmawi, puak thei thil dang leh naupang silai lem, a mu kâp chhuak theite zawrh, hralh leh kawl khap a nih thu an puang.

DC pahnihte chuan, hâl­puah leh hâlmawite'n nasa takin mihring hriselna a tichhe thei a, boruak a tih­bawlhhlawh bakah beng­chheng a siam tih tarlangin, "Silai lem, a mu nei chite hian mihringte piansualna a thlen tak fo avang leh ṭul loa sum khawhralna a nih avangin, kan district mipuite'n hriselna ṭha tak an neih theih nan leh Krismas leh kum thar hlim tak leh thlamuang taka an hman theih nan khap a ni," an ti.

Thupek hi security force leh para-military force-te pawh zawm vek tura tih an ni a, thupek hian thla hnih a huam ang.