NCC Academy din tur sawiho

Nimin khan CMO conference hall-ah chief minister Lal Thanhawla hoin Land Revenue & Settlement (LRS) department leh NCC hotute an ṭhukhawm a; kumin chhunga Tuirial Airfield-a NCC Academy leh Air Wing din theih nana hna thawh hmasak turte a sawiho.

Chief Minister chuan, Tuirialah NCC Academy din a nih theihna tura hna thawh hmasak ber tur chu NCC Cadet lak a nih thu a sawi a; NCC office sakna tur hmun leh NCC tana mamawh hmunhma bakah, Air Wing din a nih theih nana Tuirial Airfield-a mimal ram neite chungchang chu LRS leh Environment Forest & Climate Change department leh NCC enkawltu Commanding Officer-te leh an thawh­puite chu a huhoa Tuirial Airfield tlawha zir chiang turin a hrilh.