Mizo lal Lalchunglura a thi

Mizo lal, tláng hran changa rorel phâk chin la dam tlemte zinga mi, Lalchunglura Sailo (100), Khawnglung lal hnuhnung ber chu November 7, Thawhlehni zan dar 7:20 khan Bung­tlang khuaa a inah a thi a, nimin khan vui a ni.

Lalchunglura Sailo hian tu leh fa ṭhahnem tak a nei a, a nupui Lalchhungi Rokhum chu March 25, 2015 khan a thih tawh a ni. Amah hi Mizo lal hmingthangte zinga mi, Rolura thlah kal zela Khawnglung tlang ṭhuttu, Sanghleia fapa a ni a; a pa a thih hma avangin naupang tê a nih lai aṭangin a hmingin Khawnglung khua chu dah niin, kum 1936-a kum 18 a tlin veleh Khawnglung khuaah ro a rel a, kum 1954-a lal bân a nih thleng khan Khawnglungah a lal a ni.