Vairengte-Sairang inkar zauh turah a huhoin ram enfiah nawn leh a ni

Ministry of Road Transport & Highway hnuaia NHIDCL-in Vai­rengte leh Sairang inkar National Highway 306 & 6 kawngpui an zauh tura ram an lak turah, ram an tihchhiat tur atana forest clearance an dil zau zawng chu a zau lutuk nia an hriat avangin nimin khan a hmunah enfiah nawn a ni.

Ram enfiahnaah hian competent authority of land aquisition (CALA) Lallawmawma, Kolasib additional DC ni bawk te; SDC Vanlalmuana, DFO Margareth Lalram­chhani, RO Lalhriatpuia, settlement officer C Lal­muanpuia leh NHIDCL project manager Shak­sham te an tel.

Environment, Forest & Climate Change (EFCC) department-in deemed forest an tih chu NHIDCL leh EFCC department ten joint verification nei ṭha leh se tih a ni.

CALA chuan, NHIDCL-in forest clea­rance an dilah ram an lâk tur a zau lutuk nia hriain tihzîm deuh dan a awm em tih an en thu a sawi a, "Kawngpui an laih turin kawng hlui a rawn zawhna na lai zel en a ni," a ti.

Margareth Lalram­chhani chuan, Forest Clearance Rules, 2022-ah chuan forest reserve area chhungah pawh ni se, national highway a kal chuan a kam tawn tawn metre 30 chu right of way (RoW) a ni thei tawh tih sawiin, "Hengah hian forest clearance dil a ngai lo," a ti a, RoW chu PWD ta a nih thu a sawi a ni.