Pisa kai tur dang leh

Hachhek Bial Kuhva Chingtu Pawl (HBKCP), Hachhek bial chhunga village council-te leh páwl hrang hrangte'n an bial chhunga sorkar hnathawk pisa kái turte chu nimin khan an dang leh.

November 1, 2022 aṭangin sorkar hnathawk pisa kai tur an dang ṭan a ni a, sorkar aṭanga thu lawmawm an dawn loh avangin an la dan chhun­zawm zel a ni. Ruahmanna an siam dan chuan sorkar pisa kai tur hi November 1-4 chhung an dang anga, awmzia a awm loh chuan November 5 aṭanga kawng dan tur a ni.

Hetihlai hian ruahmanna an siam lawk anga vawiin aṭanga Hachhek Bial chhunga kawngpui an dang dawn leh dawn loah thutlukna siam a la ni loa, nizan khan an hmalak dan tur relin an ṭhukhawm a ni.