Lungleiah a thlawna inentirna
Lunglei DC Kulothungan A hmalaknain November 10 - 12, 2022 chhung hian Civil Hospital, Lungleiah lung lam leh cancer natna vei damlote tan a thlawna inentirna ‘Cardiology & Oncology Free Clinic’ neih a ni dawn a, India ram hmun hrang hrang aṭangin doctor leh medical lam mithiam mi 15 an lokal dawn a ni.
Free clinic hi corporate social responsibility kaltlanga neih tur a ni a; screening lo ti lawkte tan November 10, 2022-ah inentirna buatsaih a ni dawn a, November 11-12, 2022-ah a duh apiang tan inentirna hun hawn a ni dawn bawk.
Mithiamte hian a ṭul tur ang damdawi kaihhnawih hmanruate an rawn keng dawn a, inentir zingah zai mamawh an awm chuan phai lama an in zai theih nan mi 30 tan Rs 1,00,000 ṭheuh ṭanpuina an pe thei dawn a ni.
Hre chiang duh tan phone number - 943614-7089, 8787745589, 9862115967 leh 897428-5506-ah te zawhfiah theih a ni.