Mizoramah BJP kan sorkar dawn - Vanlalhmuaka

Mizoram BJP chuan nimin khan an pisa-ah political session an hmang a, an president Vanlalhmuaka chuan Mizoramah BJP an sorkar dawn niin a sawi.

Vanlalhmuaka chuan BJP hna pawimawh ber chu mirethei leh mipui mamawh pek nia sawiin, "Hei hi BJP dinchhan pawh a ni. Mizoram ah ngei pawh hian BJP hi kan sorkar ngei ngei dawn a ni a," ti.

Sangha man tur chuan sangha awmna lai a len den a ngai nia sawiin MJP President chuan, "Sangha awmna lai hria lendeng ṭhin," a ti a, Mizoram mamawh haichhuak turin BJP-te chuan sangha awmna hmun an hriat thu a sawi.

MBJP President chuan, BJP chu hmasawnna kawng zawhtu leh hnathawktu party an nih thu sawiin, "Mizorama sorkarna chelh tawhte anga mahni hlawkna mai ngaihtuah ṭhin party kan ni ve lo a ni," a ti.