MNF Adviser-in an sorkar a ring

MNF party chuan nimin khan Mizo Hnam Runah inkhawm an nei a, MNF adviser C Lalramzauva'n thu sawiin, Pathianin MNF party a hruai zel a, kum 2023 inthlanah MNF an sorkar leh ngei a rin thu a sawi.

C Lalramzauva chuan, nationalism avangin Mizo ṭhalai tam takin ram leh hnam hmasawn beiseiin hun rei tak hma an lak tawh thu sawiin, "Ram mila inrêlbàwlna kalpui dan tur political philosophy duang chhuak turin rilru leh ngaihtuahna sên peih a ṭul," a ti a; Mizo pi leh pute rinawmna leh tlawmngaihnate chu ṭhangtharte'n an neih thar theih nan infuih thar tawn a ṭul thu a sawi bawk.