Hawla hnathawh chhunzawm turin Congress-in Vanlaltluanga an sàwm

Mizoram Pradesh Congress Committee (MPCC) president Lalsawta chuan, Serchhip bial hmasawnna tur leh Pu Lal Thanhawla hnathawh chhunzawm turin Vanlaltluanga an sàwm thu a sawi.

Lalsawta hian Novem­ber 5, Inrinni chhun khan MPCC Campaign Committee-in Serchhip Bazara an buatsaih Joint Block Conference-ah thu sawiin, "Serchhip bial hmasawnna thlen tur leh Pu Lal Thanhawla hnathawh chhunzawm turin Pu Vanlaltluanga kan sáwm a, amah kaltlangin he bial hmasawnna hna hi Congress party-in a thawk zel dawn a ni," a ti.

Kum 2023-a inthlan­pui awm tura political party-te inpuahchah dan a inang dawn lo hle nia sawiin Lalsawta chuan, "Sum hmanga sorkar tumte'n an zia an chhuah dawn. Inthlana sum chakna hi kan thah loh chuan ram rorelnaa sum hman dik lohna hi a nung reng ang. Vote tura lei theih kan nih chuan sal leh nawhchizuar ang lek kan ni ang," a ti a; dik lohna ata Mizoram chhan turin sum hmanga thlêmna laka inthiar fihlim a ngaih thu a sawi.

(Phek 2-ah zawm a ni)