Thentlang leh NH siamtute an inrem

Keiṭum leh Khumtung inkar national highway kawngpui siamtu Kram Infracon Pvt. Ltd leh Théntlang khawtlang chu lung lâk chungchangah an inhmu thiam lo a; Central YMA hruaitute'n pala i hna an thawh hnuah November 5, Inrinni khan an inrem.

Thu dawn danin, Serchhip district chhung, Keiṭum leh Khumtung inkara NHIDCL hnuaia NH kawngpui siamtu Kram Infracon leh lung an lâkna khua Théntlang khawtlang chu thu inhmuh loh avangin Kram Infracon-in hna an thawk chhunzawm thei lo. Hei vang hian CYMA hnuaia NHIDCL Monitoring Team member-te chu November 5, 2022 khan palai hna thawkin Thentlangah an kal a, an kaihhruaina hnuaiah inremna an siam a, kawngpui siam hna thawh chhunzawm a ni dawn.

Thentlang khawtlang leh Kram Infracon-te chuan CYMA hruaitute kaihhruaina hnuaiah kum hnih daih tur inremna an ziak. Inremna ang chuan, Thentlang khawtlangin Kram Infracon chu an khaw rama lung lâk chhunzawm an phalsak a, Kram Infracon pawhin khawtlang hruaitute duh dan zawm an intiam bakah, CYMA hruaitute thuràwn angin YMA Sub-Hqrs, Serchhip hnenah ambulance an pek tur thu an sawi a ni.

Inbiaknaah hian NHIDCL Monitoring Team hi CYMA vice president Lalhmachhuana hoin an kal a; YMA Sub-Hqrs, Serchhip Ṭawitlang Group YMA hruaitute'n an ṭawiawm a ni.