MNYF-in Power & Electricity minister R Lalzirliana an chhuang

Mizo National Youth Front (MNYF) chuan thuchhuah siamin, Lawngtlai district-ah electric current-in tun hnaia mi a man vanga thihna thleng chungchanga Power & Electricity minister R Lalzirliana hmalakna an chhuan thu an tarlang.

MNYF chuan, November 3, 2022-a PE department lineman Francis Rochungnunga, electric current-in a man hluma mawhphurtute chungah November 4 chhun dar 12 hma ngeiin hremna lek a nih tur thu a hriattir chu lawmawm an tih thu an tarlang a, "Mawhphurtua puh SDO suspend nghal a ni leh control room-a duty pawh criminal case siamsak nghal a nih avangin Pu R Lalzirliana hi kan chhuang tak zet a ni," an ti.

Minister R Lalzirliana'n thil thleng pawi a tihzia te, October 14, 2022-a Rúlkuala electric current man vanga thihna thleng pawi a tihzia te, thil thlengah cyber crime ruai a, fimkhur lo taka thil tih a duh lohzia thlenga a sawi te, mawhphurtu chu muster roll an nih chuan bàn nghal a tum thu leh sorkar hnathawk nghet an nih chuan hrem loha chhuah a tum loh thute a sawi chu fakawm an tih thu MNYF chuan an tarlang.

Congress ṭhalai, ZPM, BJP leh AAP-te'n báng tura R Lalzirliana an lo phût chu politics-a inîtsîknaa an ngaih thu an sawi bawk.