Lunglei DC-in hmalakna a enfiah

Lunglei DC Lalzarmawii chuan November 10, Ningani khan Hnahthial leh a chhehvel a tlawh a, sorkar department hrang hrangte hmalakna a enfiah bakah, department hotute nen an inkâwm.

Lunglei DC hian Hnahthial Block Sports Committee (HBSC) Ground no. 2-a phûl lem phahna tur chu a hmunah a enfiah a; hna thawhna tur sum awm tawh sa niin, hna ṭan mai theih tura ruahman a ni tawh a, chak zawka hna hi thawh a nih theihna tura hmalak dan thlirho a ni.

KVK Hnahthial a tlawhnaah Lalzarmawii hi thawkte'n hna thawh dan kalhmang leh hmalaknate an fanpui a; Tuipui Darzokai lei, a chhuat rualrem lo leh a khaitu ban a kawih vanga siamṭhat mek pawh tlawhin, thawktute chuan lei siamṭhat hna chu naktuk (vawiin) hian welding machine nen a ban chu siamṭhat leh an tum tih an hrilh.

Lunglei DC hian Hnahthial BDO pisaah department hrang hrang hotute a kâwm a, sorkar department hotute chuan an hmalakna leh hma­chhawpte an sawi bakah, an duh leh mamawhte an thlen a ni.