KHAWTHLIR

Vawksa man
Mizoram State Consumer Union leh Aizawl City Vawksa Zuar Inzawmkhawm chuan, November 9, Ningani khan Aizawla vawksa rate chungchangah inremna an siam a, inremna an siam dan chuan vawksa kg. khat Rs. 280 a ni. Vawksa zuarte chu rate bituk thar anga hralh tura tih an ni a, dan bawhchhia chu hrem tur a ni.

DC-in enfiah
Lunglei DC Lalzarmawii chuan nimin khan Pukpui leh Haulawng inkar kawngpui siamṭhat hna thawh kal mek chu hna thawh dan leh hmachhawp enfiahin a hmunah a tlawh a, amah lo dawngsawngtu PWD hotute chu helai kawngpui hi chhim lam district pathumte mamawh châwk luhna kawngpui pawimawh lai ber a nih avangin, a siamṭhat hna chak takin kalpui a duh thu a hrilh. PWD hotuten helai kawngpui siam nan hian an duh ang tâwk lung lei tur an hmuh loh avanga hna a chak theih loh thu an an sawi.

Renumerator training
District Research Office, Mamitah nimin khan Mamit district chhunga Baseline Survey on Village /Locality Profile nei tur mi 30-te pualin training buatsaih a ni a, survey nei tur enumerators thlan chhuah mi 30 telin, thil pawimawh hrang hrang hrilh an ni.

Thisen pe
College of Veterinary Sciences and Animal Husbandry-a NSS unit chuan nimin khan blood donation camp an huaihawt a, Synod Hospital tan mipa 30 leh hmeichhia parukte'n thisen unit 36 an pe. Zuangtui Bial KṬP pawhin Aizawl Civil Hospital tan unit 12 an pe a, a petute mipa pakua leh hmeichhia pathum an ni.