July-ah meizial báwm 440 man

Legal Metrology enforcement staff-te chuan July 2020 chhung­in dawr 40 aṭangin dan loa lak luh meizial (contraband cigarette) báwm 440 an man tawh a; tunlai hian khawchhak lam aṭanga dan loa meizial lak luh an man nasa tih an tarlang.

Meizial an man tlangpui chu - V, Classic, Far Star, Valiant, Paris leh Peacock-te a ni a; Legal Metrology (Packaged Commodities) Rules, 2011-in a phût angin maximum retail price, manufacturer address kimchang ziah lan a ni lo a, chhiah chawi loa lâk luh a ni hlawm. COTPA-in a phût - a báwma health warning a awm lo bawk.

Legal Metrology tarlan danin, dan loa lak luh meizial an mante chu an tihchhiat bakah, a neitute chu Pakaged Commodities Rules angin pawisa an chawi­tir ṭhin. Contraband cigarette-te zuar lo turin mi tin an ngen a; Whats­App leh Facebook-ahte an zuar tawh lo turin an ngen bawk.