Minister Chhandama'n mipui a zah lo - Mizoram BJP

BJP, Mizoram Pradesh ṭhalai chuan thuchhuah siamin, tun hnaia School Education minister Lal­chhandama Ralte-in lir­nghing tuarte a tlawhnaa thu a sawiah, SEDP an sem theih loh chhanah Covid-19 léng a puh chu mak an tih thu leh mipui zah lohnaa an ngaih thu an tarlang.

BJP ṭhalaite chuan, "He hripui léng hi inhumhim nan leh Mizo mipui hmaa hmai phih nana hman hi a zahthlak kan ti hle a, Mizo mipui zah lohnaah kan ngai a ni," an ti. Covid-19 lêng karah kawng engkimah mipui­in harsatna an tawh loh nan sorkar laipuiin state sorkarah sum tam tak a pe tih sawiin BJP ṭhalai chuan, "State sum tam tak hmang anga an insawi ṭhin hi Mizo mipui bum tumna maiah kan ngai a, central sorkar hian state sorkar a puihna sum ringawt pawh hi keini Mizoram tan chuan ṭhatpui tham a nih zawk kan ring," an ti a; MNF kaihhruai sorkar chu in­thlan dawna an intiam angin, chhuanlam siam loa a rang thei ang bera hma la turin an phût a ni.