SPMRM-a tiṭha ber Mizoram (Aibawk)

Shyama Prasad Mukherji Rurban Mission (SPMRM) scheme hnuaiah Aibawk Cluster, Aizawl district chu India rama cluster 300 zingah project zo hmasa ber a ni a; sorkar laipuiin MIS hmanga ranking a siamah India ram puma cluster 300 zingah pakhatna a ni mek bawk.

Sorkar thuchhuah tarlan danin, Aibawk Rurban Cluster hian hna ruahman 48 an zo tawh a, a ram a khawih zau zawng chu sq.km. 522 a ni. Khua 11-ah hmalak a ni a, chu'ng khuaah chuan mi 10,963 vel an chêng.

SPMRM hi February 2016 khan Prime Minister-in a tlangzarh a, India ram pumah cluster 300 an awm. Aibawk Cluster chu India rama cluster zinga project zo thei hmasa ber a ni a; sorkar laipuiin MIS hmanga tehna hrang hrang hmanga a tehna leh endikna ranking a siamah India ram puma cluster zingah pakhatna ni a ni bawk a, point 98.86 a hmu a ni.

Shyama Prasad Mukherji Rurban Mission hi thingtlang mite'n khawpui mite hmasawn ruala hma an sawn ve theihna tur leh ei leh bàr zawn kawnga hma an sawn theihna tura hmalakna a ni.