Covid-19 vei mi pakhat hmuh belh

November 6, Pathianni khan Mizoramah Covid-19 vei mi pakhat hmuh chhuah a ni. Hripui vei dam tawh nimin khan mi pasarih an chhuak a, hripui vanga thi an awm lo.

IDSP aṭanga thu dawn danin, Pathiannia Covid-19 positive hmuh chhuah awm chhun chu Aizawl district-a mi a ni a, swab sample 20 endik niin, positivity rate chu 5% a ni.

Mizoramah swab sample 19,89,324 endik tawh niin, Covid-19 vei 2,38,871 hmuh chhuah a ni tawh a, a pumpuia positivity rate 12.01% a ni. Nimin tlai dar 3 thlengin mi 2,38,091 (99.67%) chhuahtir an ni tawh a, mi 726 (0.30%) thi tawhin, enkawl mek mi 54 (0.03%) an awm.

Nimin tlai dinhmun angin, Mizorama district 11 zinga district pali - Siaha, Kolasib, Khawzawl leh Hnahthial district-ahte Covid-19 vei an awm tawh rih lo.