October-a Aizawla lirthei dan bawhchhia Mi 871 pawisa chawi Rs 5,35,800

September 1, 2022 aṭanga Motor Vehicles (Amendment) Act, 2019 hman a nih hnuah October 1-31, 2022 chhung khan Aizawl khawpuiah lirthei hmanga dan bawhchhia mi 871 man an ni a, an pawisa chawi tling khawm chu Rs 5,35,800 a tling.

Aizawl Traffic Police hotute hnen aṭanga Vanglaini thu dawn danin, kumin October 1-31 chhung khan Aizawlah lirthei hmanga dan bawhchhia mi 871 leh lirthei 849 man a ni a; dan bawhchhia man zingah phal lohna hmuna lirthei dah/ding (no parking) a tam ber.

October thla chhunga phal lohna hmuna lirthei dah (park) man zat chu mi 207 an ni a, an pawisa chawi tling khawm chu Rs 1,02,700 a ni. Lirthei 849 man zingah two wheeler tam berin, 619 man a ni a; LMV 164, three wheeler 41 leh lirthei lian chi (HMV) 25 man a ni bawk.

Two wheeler dan bawhchhiate sum chawi tling khawm chu Rs 4,09,000 a ni a, LMV mante'n Rs 85,800, three wheeler mante'n Rs 23,500 leh HMV mante'n Rs 17,500 an chawi a, a vaiin Rs 5,35,800 a ni.