NSS Festival khar a ni

India hmarchhak state pariata National Service Scheme (NSS) volunteer-te intawhkhawmna, North East NSS Festival, November 4, 2022-a Kolasib-a neih ṭan chu nizan khan a ṭiak. NE NSS Festival 2022-ah hian Mizoram bakah, Nagaland, Tripura, Assam, Sikkim, Manipur, Arunachal Pradesh leh Meghalaya aṭangin NSS volunteer 300 vel an tel a; life skill, communication skill, mental health leh thil dangte an zirho bakah, taksa sawizawina hun te, social work hun te, thiamthil pho chhuahna hun leh hnam làm leh zai entirna hunte an hmang a ni.