Sialsukah Nghakuai Chiah Rûnpui

Sialsuk Joint YMA chuan nimin khan Sialsuk YMA tuikhuahah Nghakuai Chiah Rûnpui an buatsaih a, Mizoram h m u n h r a n g h r a n g aṭangin mi ṭhahnem takin nghakuai chiahin, sangha eng emaw zat an man.

N g h a k u a i c h i a h r û n p u i h i v aw i i na h chhunzawm tur a ni a, chawhma dar 10:30 aṭanga tlai dar 4 thleng chiah theih a ni ang. Online-in inziah luh theih a ni tawh lo a, a hmuna kalin inziah luh chawp a ngai a, registration fee Rs 100 a ni.

Nghakuai chiah man darkar chanveah Rs 50 zel niin, duh chen chen chiah theih a ni a, mahni sangha mante chu neih zel theih a ni.

Tuikhuaha sanghate hi kum hnih chhung khawih a ni tawh lo a, sangha ṭhahnem tak a awm. Nimina nghakuai chiah rûnpui hi Fisheries minister K Lalrinliana'n a hawng a; thu sawiin, Sialsuk YMA-te'n sangha humhalh leh vulh punga sorkar phal loh hmanrua tel loa man hun an siam chu ṭha a tih thu leh entawn tlak a tih thu a sawi a, "Lui dung nungchate Pathianin kan ei atana a ruat rualin, kan intodelh theih nan sangha notê la ei tham lohte kan zuah hram hram a pawimawh," a ti.

Nghakuai chiahnaah hian bialtu MLA Prof. F Lalnunmawia, MLA dang Dr ZR Thiamsanga leh Fisheries department hotute pawh an tel a ni.